Türkiye Cumhuriyetinde, Anqarada, Qırım Diasporanıñ Lideri Dr. AHMET İHSAN QIRIMLI rahmetli oldı

Qırımdan cenaze merasimine qatılmaq maqsadınen dekabrniñ on ekisinde Milliy Meclis Reisi Mustafa Abdulcemil Qırımoğlunıñ yolbaşçılığında heyet yolğa çıqtı. Heyet, Milliy Meclis Reisi Mustafa Abdulcemil Qırımoğlu, BDQK Reisi Refat Çubarov, QHA yolbaşçısı İsmet Yüksel, BIZIM QIRIM HCT Reisi Abduraman Egizden ibarettir.

Dr.AhmedİhsanQırımlı kimdir?

Dr. Ahmed İhsan Qırımlınıñ qartbabasınıñ babası, Bahçasaraylı Ulema-yı İzam Meşayih-i Kiram Akseyyid Mehmet Efendidir. Evi, Bahçasaraynıñ Efendi köyünde olğan Akseyyid Mehmet Efendi, Çarlıq Rusiyeniñ diniy, siyasiy ve medeniy basqıları artqanı sebebinden ailesini Türkiyege yolladı. Özü cemaat tesirine baqmayıp Qırımda qaldı. Akseyyid Mehmet Efendi ailesini Aq topraqlarğa yollağan vaqtınde olarğa bir miqdar para ve bir Kur’an-ı Kerim berdi. Kur’an-ı Kerimniñ başına da böyle yazdı: « Men mında qalacam, etim kemigim topraq olacaq, üzerimde otlar çıqacaq, onun qoqusuna torunlarım mında kelecek».

YÜCE ALLAHTAN RAHMET, AİLESİNE VE YAQINLARINA  BAŞSAĞLIĞI TİLEYMİZ.

RUHU ŞAD, MEKANI CENNET OLSUN.